Makina elektrike për dy persona që mund të paloset ka dalë tashmë në rrugët e Evropës. Makina që arrin në 100 km/orë kur karikohen mirë, zë vetëm një të tretën e vendit të parkimit që zë një makinë standarde.Makina e quajtur "Hiriko" ka katër rrota dhe punon me një motor elektrik. Me ndihmën e dizajnit të palosur makina mund të parkohet mjaft lehtë edhe në vendet më të ngushta.Makinat e prodhuara mbi konceptin "City car electric” i zhvilluar nga studiues që punojnë në laboratorin MIT Medya po tregtohen nga kompanitë e makinave në zonën baske të Spanjës.Automjeti nuk ka motor tradicional dhe depon e benzinës, motorët elektrikë janë vendosur brenda rrotave. Në këtë mënyrë pjesa e prapme e automjetit mund të paloset lehtësisht nën shasinë. Kur paloset makina "Hiriko” zë pikërisht një të tretën e vendit që zë një makinë standarde në parkim. 
Duke pohuar se këto automjete mundësojnë dhe kursim të lëndës djegëse, specialistët pohojnë se makinat në fjalë mbrojnë ambientin dhe prodhimi industrial i tyre do të fillojë vitin e ardhshëm në Spanjë. Makinat, kostoja e të cilave mendohet të jetë 12 500 euro, fillimisht mund të përdoren me anë të sistemit të dhënies me qira.